Unha vez que un novo usuario se da de alta, formalizando todas as condicións aceptadas, actívase a súa conta no portal web e nos servidores requeridos e comunícaselle inmediatamente a súa configuración de acceso á rede. Se o usuario require a montaxe dun equipamento 802.11g,
TGWiFi ocupase de instalarllo e incluso de proporcionarllo se o usuario
non quere complicarse buscando el mesmo. Recoméndase este modo de
instalación.
Por outra parte se o usuario quere adquirir o equipo
pola sua conta, pode facelo sempre que
respete as especificacións dos equipamentos necesarios para garantir a
compatibilidade na rede e mellorar o rendemento.
Cando o usuario xa ten a instalación feita, as condicións formalizadas,
e os datos de acceso e configuración, pode acceder ós servizos a través
da web ou da rede wireless.
Calquera usuario pode darse de baixa en calquera momento, únicamente debe avisar con 15 días de antelación.
|
Se estades dacordo cos nosos obxectivos e ca nosa maneira de tentar
acadalos ou se queredes colaborar neste proxecto podedes facervos
socios simpatizantes. Os simpatizantes non teñen ningún tipo de
obriga ca asociación e poden participar na páxina web, na sección
de soporte, máis concretamente nos foros de debate, nos blogs de TGWiFi
e nas páxinas Wiki.
Se queredes facervos simpatizantes de TGWiFi somente tedes que enviar un mail a info@tgwifi.org cos seguintes datos:
- Nome
- Apelidos
- Data de nacemento
- Lugar de residencia (non é necesaria a dirección postal)
- Dirección de correo electrónico
- Declaración da intención de rexistrarse como socio simpatizante de TGWiFi
- Motivos
Despois contestarémosvos á dirección que indiquedes facilitándovos un contrasinal temporal que deberedes cambiar no primeiro acceso ó portal.
|
|
|
|
