ADNTIC-TGWiFi é unha asociación sen ánimo de lucro, "Asociación para a Difusión das Novas Tecnoloxías da Información e das Comunicacións - Taragoña WiFi", que pretende proporcionar un canle de comunicacións sen fíos con cobertura en Taragoña e nos municipios colindantes da comarca do Barbanza.
A través de dito canle desenvolveránse actividades encamiñadas a difundir e facilitar a utilización das novas tecnoloxías ós seus socios e usuarios, así como actividades socioculturais.
A nosa intención e crear un canle de comunicacións accesible para todos os interesados, con cobertura total en Taragoña e parcial nos municipios colindantes. A cobertura da rede irá aumentando segundo aumenten os seus asociados. Dita rede podería conectarse con outras redes doutras asociacións similares ca finalidade de proporcionar ós usuarios unha cobertura aínda maior e máis conectividade.
A rede servirá de medio de difusión para incentivar e facilitarlle ás persoas, especialmente en zonas rurais, o acceso a unha rede sen fíos a través da cal poderán acceder a unha serie de servizos TIC que se integrarán todos eles nunha páxina web.
A web tamén servirá de medio de expresión e difusión de información relativa á asociación.
O obxetivo é claro, que calquera poida acceder á sociedade da información dunha maneira sinxela e práctica.
Un verdadeiro desenvolvemento tecnolóxico-social onde calquera poida resolver calquera cuestión rápidamente, ou conseguir información de calidade que o leve a un aprendizaxe efectivo.
Trátase de desenvolvemento, cultura, educación, seguridade e sobre todo liberdade.
Presentación 