Benvid@!
Inicio - Acceder

Estes son algúns dos proxectos que temos pensado levar a cabo, algúns deles xa estan en funcionamento. A duración destes proxectos alongaráse durante todo o ciclo de vida da asociación, formando parte algúns deles dos compromisos aceptados pola asociación nos seus estatutos. Son os medios que nos levarán a acadar os nosos fins.

TGWiFi

Proxecto de creación, administración e mantemento de toda a infraestructura necesaria para crear a rede. Este proxecto desenvolve a nosa infraestructura inalámbrica.
  
TGTIC

Proxecto de creación, administración e mantemento dos equipos servidores ós que poden acceder os usuarios a través da rede. Ditos servidores ofrecerán unha serie de servizos TIC.
TGPortal

Proxecto de creación, administración e mantemento dun portal web accesible tanto a través de internet como a través da rede. Dito portal integrará tódolos servizos de TGWiFi ademáis de conter información relativa á asociación e ós seus fins.
TGTV

Proxecto de estudo de viabilidade para o streaming de TV a través da rede wifi. Este proxecto tentará acadar unha solución viable para poder ofrecer televisión dixital nos equipos dos usuarios a través da rede.

TLiber

Proxecto adicado á promoción de ferramentas de software libre e open source así como á defensa dos dereitos dos internautas e a loita porque eses dereitos se respeten. Por un desenvolvemento da comunidade e un acceso libre á cultura.
TSon

Proxecto de colaboración con aqueles colectivos ou asociacións adicadas á celebración de actos socioculturais públicos de acceso libre. Promoveránse todas aquelas iniciativas públicas de todo tipo de eventos culturais ou recreativos, especialmente cando ditos eventos representen a cultura galega e a nosa língua.
TGal (novo)

Proxecto de colaboración con aqueles colectivos ou asociacións adicadas á promoción e utilización da língua galega. Promoveránse todas aquelas iniciativas que avancen neste senso. TGWiFi tamén se compromete a utilizar o idioma galego tanto nos seus documentos como no portal web e na comunicación entre usuarios, sempre e cando a comunicación o permita.


educaT (novo)

Proxecto mediante o cal TGWiFi pasa a formar parte da Escola de Ciencia e Tecnoloxía Aplicada da UNIAT- Plataforma de ensino para o desenvolvemento. Preparación de programas formativos e participación en cursos e actividades encamiñadas á formación de tódolos ámbitos da sociedade.